حدوته الارنب الشقى
قصص -

حدوته الارنب الشقى

حدوته الارنب الشقى ؛ تحرص الامهات علي روي القصص التي تحتوي علي الكثير من العبر و المواعظ للاطفال ، لان مثل تلك القصص تساعد في تكوين ادراك الاطفال بشكل كبير ، لذلك يجب انتقاء القصص التي تعلم الاطفال الاخلاق الحسنه دون غيرها ، لذلك اخترنا تلك القصه (حدوته الارنب الشقى) كي نرويها عليكم من اجل ارشاد الاطفال الي ضروره سماع تعليمات الوالدين حتي لا نقع في الكثير من الضرر ، فالاب و الام هم اعلم بمصلحتنا و يريدون الخير دائما لنا .

قصه ( الارنب الشقى ) :

قصه ( الارنب الشقى )

و يمكنك ايضا قراءه : حدوتة قبل النوم الشاطر حسن 

كان ياما كان لا يحلو الكلام  الا بذكر النبي عليه الصلاه والسلام ….

كان موجود أرنب صغنون ابيض بياض اللبن ..وكان عنده ارجل صغننه قصيره وخطوتها بسيطه جدا ..وكان عنده اخواته ارانب صغيره ملونه بالألوان المختلفه ..فمنهم ارنوب لونه أخضر مثل ورقه الشجره ..و ارنوب لونه أحمر زي الورد ..و ارنوب لونه ازرق زي لون البحر و السما ..و ارنوب لونه بني زي لون الشوكولاته بالظبط .. و ارنوب لونه اصفر زي صفار نور الشمس .. و ارنوب لونه اسود سواد الكحل ..و والدتهم لونها كل الألوان ..

فوالدتهم في يوم قالت لهم ان اول ما الشمس تشرق لازم تبقوا مع بعض و تخرجوا مع بعض ،وتلعبوا مع بعضكم البعض .. وتشربوا مع بعضكوا ..و تاكلوا مع بعض ،وعند الغروب بتاع الشمس لازم ترجعوا للبيت مع بعض ومتفارقوش بعض ..

و بالفعل خرجوا علي طول اول ما الشمس طلعت و راحوا يلعبوا و يشربوا مع بعض .. و أول لما تغرب الشمس يروحوا بيتهم علي طول ..بس الأرنوب اللي لونه ابيض زي بياض اللبن كان دايما في نفسه حاجه يعملها و هيا انه يشوف القمر وهو منور ابيض في السما انه اخوه كان دايما يحكيله عن القمر وكمان عن النجوم فكان نفسه اووي انه يشوفهم ..

وفي يوم من الايام كانت الدنيا ليل فالأرنوب الصغير قرر انه يحاول يتسحب بدون علم مامته و اخواته و يخرج و دا علشان بس يشوف النجوم والقمر ..وشكلها بيبقا عامل ازااي .. و النجوم الكبيره و الصغيره ايضا .. و يحاول يشوف النجوم القريبه و النجوم البعيده .. و النجوم اللي نورها بيطفي و النجوم اللي بتشع نور . فعلا سبحان الله و تبارك الله احسن الخالقين ..

بس وهو قاعد بيتفرج علي القمر والنجوم حس وسمع ان فيه ذئب بيجري ناحيته علشان ياكله !                                                                          فالأرنوب الصغنون قعد يجري كتيير اووي بس الارنوب كانت رجله صغيره وقصيره فكانت خطوات رجله صغيره ! ومكنش قادر انه يجري ويهرب من الذئب !    فضل الأرنوب يستغفر ربنا ويستنجد بيه ويقول لا اله الا انت سبحانك اللهم اغفر لي واغثني ..فأثناء ماكان بيجري من الذئب لقي قدامه حفره راح ناطط من فوقها نطه كبيره لحد ما قدر انه يعدي من علي الحفره دي .. بس الذئب مكنش شايف الحفره دي فوقع فيها ..

 

الحمدلله !بسبب لطف ربنا نجاه من ان الذئب ياكله ..بس حصل حاجه ان في الوقت اللي الارنوب كان بينط من فوق الحفره هو نط و وقع علي رجله و رجله للأسف اتكسرت ! بس الارنوب الصغير قال الحمدلله قدر الله و ماشاء فعل الحمدلله ان ربنا حماني و نجاني من الذئب ..

عاد الارنوب الصغير برجله اللي اتكسرت وكانت رجله بتوجعه جداا !قال لمامته واخواته علي اللي حصله بالظبط .. وايه اللي عمله معاه الذئب وقالهم ان ربنا مسابهوش و نجاه لما قعد يدعي كتير ، وبعدين اتأسف ليهم كلهم وقال انه كان غلطان علشان ماسمعش كلام مامته واخواته ومكنش قادر يفهم الحكمه من الأوامر اللي بتقولهالهم ..

فردت عليه امه وقالتله علشان كدا علي طول بقولوكوا وانصحكوا انكوا تفضلوا مع بعض في اي وقت و اي مكان لان دائما الذئب بيجري ياكل الارنب اللي بيكون لوحده علشان بيبقي ضعيف ..ولما تحب تفكر في اي حاجه لازم تعرفني و تعرف اخواتك و تاخد رأينا علشان نحاول نساعدك ..

ولما عرفت مامته قد اي هو بيحب القمر والنجوم  قامت عملاله شبالك ضغير في الأوضه بتاعه علشان يقدر يتفرج منه علي القمر والنجوم براحته و في امان اكتر ،و يدعي و يكلم ربنا سبحانه وتعالي .

قصه ( الارنب الشقى )و يمكنك ايضا قراءه : حدوتة قبل النوم رومانسية 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

‫شاهد أيضًا‬

قصة الاميرة النائمة الحقيقية

تهتم الامهات كثيرا بحكي الكثير من القصص الرائعه و الجميله لاطفالها نظرا لان مثل تلك القصص …