حدوتة الفيل فلافيلو

حدوتة الفيل فلافيلو ؛ توضح تلك القصه معني كلمه الرضا بنعم الله ، فالله سبحانه و تعالي خلقنا باشكال و احجام مختلفه ، حيث ان كل شخص يختلف في هيئته عن الشخص الاخر ، وذلك حتي نكمل بعضنا البعض دون كراهيه الطبيعه التي خلقنا الله عليها، لذلك يجب شكر الله علي تلك الطبيعه التي وهبنا اياها و نعمل جاهدين كي نؤدي مهمتنا في هذه الحياه علي اكمل وجه .

حدوتة الفيل فلافيلو :

حدوتة الفيل فلافيلو

كان يا مكان يا ساده  يا كرام  كان في فيل صغير بينادوه بالفيل فلافيلو . الفيل فلافيلوا علي طول كان بيقعد لوحده علشان كان بيزعل من ان مفيش حد بيلعب معاه .. كان علي طول متأكد ان كل الطيور افضل و احسن منه بكتير علشان هما كانوا وزنهم صغير وخفيف و قادرين يعملوا كل حاجه زي اللعب و انهم يطيروا براحتهم و يعملوا كل حاجه و هما مبسوطين ، كان الفيل فلافيلو نفسه انه يقدر يطير زيهم .

فهناك من يروي لنا القصه فأضاف :”كان الفيل فلافيلو قاعد لوحده عند الشجره و كان فيه بومه ساحره شافته وندهت عليه وقالتله :ليه يا فلافيلو قاعد لوحدك و زعلان كدا و بتعيط .. فقالها علشان انا تخين اووي جسمي تقيل و مش عارف اللعب و اطير و اجري زي باقي الحيوانات و الطيور ..انا نفسي اكون زيهم ..فحزنت البومه لومه عليه جداا وصعب عليها الفيل فلافيلو و قالتله انها هتساعده بس بشرط.. فالفيل فلافيلو فرح جدا بكلامها وقالها قولي اي هو الشرط ؟ الشرط هو انك تفضل تجيبلي اكل كتيرر وانا هخليك خفيف زي الغزاله .. فالفيل فلافيلو فرح اووي و راح جري يجيب اكل ليها من كل مكان و جمعه و قدمه ليها ..فهي قامت لوحت بالعصايا السحريه بتاعها تجاه فلافيلو وحولته لغزاله رشيقه ..ففرح أوي وفضل يجري كتيرر وهو مبسوط و قعد يغني و هو بيجري “.

فوضح الراوي وقال :” ان الفيل فضل يقول : انا الغزال فلافيلو انا اللي بقيت وزني خفيف .. بس و هو ماشي مبسوط اووي في الغابه و بيلعب مع اصدقائه شعر ان فيه حاجه غريبه زي ان فيه حد بيراقبه من بعيد فقام باصص علشان يشوف مين ..لقي نمر كبير عايز يفترسه و ياكله ..فطلع يجري فلافيلو من شده الخوف علشان يوصل للشجره اللي البومه لومه موجوده عليها ..وفضل يصرخ و ينادي عليها ويقولها الحقيني يا لومه الحقيني يالومه البومه فأندهشت جدا وقالتله في اي عايز اي يا غزال ؟ فرد عليها قالها انا الفيل الصغير فلافيلو اللي انتي حولتيه للغزال في نمر بيجري ورايا و انا خايف لانه عايز ياكلني فحوليني لنمر علشان مفيش اي حد يحاول او يقدر يقرب مني ويفكر ياكلني وفعلا البومه لومه حولته لنمر ..فمش و هو فرحان اووي انه خلاص بقي نمر و قوي و محدش هيقدر انه يفترسه بس و هو ماشي و فرحان اووي بنفسه و في حاله من الفخر ان كل الحيوانات خلاص بقا هنخاف منه سمع صوت كدا ان الصيادين بيقولوا ان فيه نمر اهو و لازم يصطادوه لأن جلده ثمين اووي و ممكن نعمل منه شنط و جواكت فلو خدنا منه الجلد دا هيبقا معانا فلوس كتيرر اووي “.

كمل الراوي وقال:” ان فلافيلو سمع كلامهم من هنا و خاف جدااا وقعد يجري و هو مرعوب لحد ماراح للشجره تاني اللي عليها البومه لومه وفضل يصرخ ويقولها و يينادي عليها ويقولها اللحقيني يا لومه اللحقيني يالومه البومه .. فقالته نعم .. عايز ايه ؟ قالها انا الفيل الصغير فلافيلو  اللي انتي لسه محولاه لغزال وبعدين لنمر انا مرعوب جدا في صيادين بيجروا ورايا وعايزين يصطادوني علشان ياخدوا الجلد بتاعي فأنا عايزك تحوليني لأسد علشان اكون الملك بتاع الغابه و كله يخاف و يترعب مني ، قالتله البومه حاضر وقامت حولته لأسد .. فخرج وهو فرحان اووي وبيزأر مثل الأسد و صار يمشي بكل ثقه و غرور .. بس و هو ماشي في الغابه كل الحيوانات خافت منه و فضلت تجري فجأه لقي شبكه كبيره حبسته وشاف عدد من الناس بيشيلوه يركبوه عربيه كدا فأترعب فلافيلو و قالهم انتوا عايزين اي مني سيبوني .. فقالوله احنا هناخدك نحطك في قفص الأسود في  جنينه الحيوانات “.

فأوضح ايضا :”ان فلافيلو كان خايف اووي وفضل يزأر بصوت عالي والحراس قعدوا يضحكوا عليه وفضلوا الحراس يشدوا في الشبكه علشان يحطوه في العربيه و يودوه جنينه الحيوانات ..و فضل فلافيلو مستمر في انه يزأر بصوت عالي علشان حد يجي وينقذه بس مفيش حد جه للأسف الا انه شاف فار صغير ماشي وراه و قاعد يقرقض في الشبكه فأتبسط فلافيلو اووي وقاله اسرع يا فرفور قبل ما اي ياخدوني معاهم وقام فرفر بقرقضه الشبكه كلها. وانقذ فلافيلو .،فجري فلافيلو بسرعه للبومه لومه وهو مرعوب  وفضل يصرخ وينادي عليها ويقولها اللحقيني يا لومه اللحقيني يالومه البومه ..قالتله عايز اي يا اسد .. قالها انا الفيل الصغير فلافيلو  اللي انتي لسه محولاه لغزال و بعدين لنمر وبعدين لأسد .. قمت قالتله ااه افتكرتك افتكرتك ..عايز اي يافلافيلو تاني .. قالها انا عايز ارجع زي ماكنت فأنا من الأساس فيل وعايز افضل فيل ..قالتله بس انت مكنش عجبك انك تبقي فيل بسبب حجمك وشكلك ..قالها لا انا كنت غلطان في دي انا خلاص عرفت و أتاكدت ان لازم أقدر قيمه نفسي و طبيعتي علشان ربنا خلقني كدا بيها  وهعيش مبسوط بيها ..ففرحت البومه لومه و حولته علشان ترجعه انه يكون فيل مره اخري ..وذهب الفيل فلافيلو وكان مبسوط جداا و فرحان و قعد يغني أنا فلافيلو الجميل “.

حدوتة الفيل فلافيلو

كما يمكنك معرفه الكثير من خلال زياره الموقع عن : حدوتة رومانسية باللغة العامية ، حدوتة الاسد والفار ، حدوتة سندريلا 

 

 

 

أضف تعليق

You cannot copy content of this page