‫الرئيسية‬ حواء مشكلتي بعناد زوجتي وعصبيتها
حواء - 17 أكتوبر، 2019

مشكلتي بعناد زوجتي وعصبيتها

انا شخص مملك على انسانة عصبية جدا وصعبة التفاهم وتتخذ قرارها لوحدها دون الرجوع لي وانا اجاملها
فهموني كيف اقنعها تطاوعني ولاتعصاني لدرجة انها اهلها تعبو معها بالإقناع
امور كثيرة تجهلها وتقول انا متعودة ببيت اهلي كذا اعجبك ولاكيفك واسلوبها مافيه احترام لي ابدأ
انا تعبت وياها بكل الطرق علما اني مو مقصر عليها بشي

لا توجد تعليقات

  1. حياك اخوي …
    بس سؤل؟؟
    <<وش هي الاشياااء اللي تعاندك فيها وانتوا توكم مملكين !!! يعني بينكم مااافي احتكاك الا نااادرا وبامور سطحيه!!!

  2. اختي حياك الله
    بصراحة طريقة العباية انا ابيها راأس وهي تبي كتف والعيون انا مابيها ظاهرة ابيها مخفية
    ثانيا طلعتها للسوق ابيها مع امها واخوانهاا وهي تقول امي تكفي فقط
    ثالثا مطالبتها لي بامور مثل شبكة وزفة غير اسلامية وعرس بصالة كبيرة ورفضت هالامور كلها واي نقاش
    معي تختلف معها
    علما اني قابلتها 3 مرات واكلمها بالتلفون لانها زوجتي الان

  3. مطالبتها لي بامور مثل شبكة وزفة غير اسلامية وعرس بصالة كبيرة ورفضت هالامور كلها واي نقاش
    الله يكون في عونك هذي الله يهديها تحب المضاهر في المستقبل بتضايقك
    علا طلابات
    نصيحتي لك حاول كلامك الي يمشي أجل توك متملك وتهددمتعودة ببيت اهلي كذا اعجبك ولاكيفك
    مجنونه ليه أنت ماتقولها أذا عاجبك ولا كيفك
    لأن المرأه أذا شاهدت كل أموره منفذه شاخت علا رجال بمعنا سيطرت عليه
    الله يكتبه لك خير أنشاء الله ويوفقك ويسعدك

  4. إقتباس »الرسالة الأصلية كتبت بواسطةمتزوج محتار;3055266»
    اختي حياك الله
    بصراحة طريقة العباية انا ابيها راأس وهي تبي كتف والعيون انا مابيها ظاهرة ابيها مخفية
    ثانيا طلعتها للسوق ابيها مع امها واخوانهاا وهي تقول امي تكفي فقط
    ثالثا مطالبتها لي بامور مثل شبكة وزفة غير اسلامية وعرس بصالة كبيرة ورفضت هالامور كلها واي نقاش
    معي تختلف معها
    علما اني قابلتها 3 مرات واكلمها بالتلفون لانها زوجتي الان
    ماابغى اكبر الهرجه واخليها مشكله
    بس الخطأ خطأك
    انت واضح من كلامك انك انسان ملتزم
    يعني من المفروض تدور على عروس مناسبه لك (صالحه لك) كما قال صلى الله عليه وسلم (الدنيا متاع وخير متاعها المراه الصالحه) اي المناسبه لك
    وانت مناسب لك مرأه متدينه
    انت لما خطبتها من البدايه اكيد عارف هذه الحاجات
    عموما
    ولو اني لااحب اسلوب فرض الرأي على احد (واللي تسويه انك تبغى تفرض رأيك عليها) (بغض النظر عن الصواب والخطأ)
    لكن كل الامور هذه بسيطه وسطحيه وتنحل مع الزمن (يعن يمعليش ماقالت لك انا مااصلي ابد او عادي امشي مع عيال !!!!! كلها عبايه وماعبايه (ماادري ايش حكمها) ايضا طلعت السوق في مكان عام ومع امرأه اخرى (مش حرام خاصه انه الاسواق الان ماشاء الله متروسه ناس) والاخير حق الزفه ومازفه هي ليله ليلتها خليها بكيفها… )
    البنت لسه ماحبتك (ولاتضحك على نفسك وتقول حبيتها)
    بعد فترة لو حبتك
    صدقني تسوي لك اللي تبغاه
    فصبر جميل والله المستعان

  5. اخوي
    الامور اللي ذكرتها اللي تعاندك فيها ..كلها امور اغلب البنات راح يعاندون فيها ..صدقني
    بالنسبه للعبايه ..مو بالسهل تحول فجأه من الراس الى الكتف
    انت تزوجها وبعد الزواج حاول تغير فيها النواحي اللي مضايقتك بشكل تدريجي..وهي بالمثل
    حتى القاعه … مو بسهوله تقتنع اذا جيتها من باب الأمر
    خلك دبلوماسي وحاول تقنعها بشكل غير مباشر … ممكن حتى تخليها تتعاطف معاك او مع وضعك المادي باسلوبك وشطارتك
    طبعا هالطريقه استخدمها مع الامور اللي تحتاج مرونه في التعامل وتحتاج تفهم واقناع من الطرفين
    وماشوف انه عناد .. بقدر ماهو اصرار على نهج كل بنات سنها
    لكن في أمور تتطلب منك الحزم..خروجها للسوق مثلا في حالة اهملت كلامك
    ممكن تعاقبها بتجاهلها كم يوم ..لكن قبلها تكلمها وتقولها …انا لي حق عليك وهو الطاعه
    حتى يكون عندها علم بسبب التجاهل ..وتاخذ كم يوم فرصة للتفكير في سلوكها
    وان شالله تلقى الفائده اكثر في ردود الاخوة من بعدي

  6. صراحه المواضيع هذي جدا تافهه يعني ماعندك ثقة بامها ؟؟؟
    انا نادرا مااشوف وحده طالعه للسوق مع اخوانها واذا طلعوا اخوانها فانها راح تكسب فيهم اثم لااااااااااااااااااااااااااااانهم راح يتفرجون على النسوان والله اعلم وش اللي راح يصير خصوصا ان النسوان راح يكونوا مشغولين ولا راح ينتبهوا لاي تصرف يصدر…
    وانا مرت علي مواقف كثيره جدا اشوف وحده مع زوجها او مع اخوها هي لاهيه بالتسوق والرجال لاهي بالقز…
    علشان كذا وسع صدرك ولاتفرض رايك عليها خصوصا انها متعوده على هالاشياء من صغرها..
    وهالاشياء مايصلح النقاش فيها .. تقدر بالمسايسه ومع مرور الوقت انك تاثر عليها بطريق غير مباشر وبدون مايصير بينكم صدام…
    المره تحب تحس بثقه زوجها فيها …
    اما بالنسبة للعبايه انا حاليا اشوف ان بعض عبايات الكتف استر من عبايات الراس وخصوصا انها تصير واسعه وفضفاضه..
    وللعلم ان بعض مشايختنا بالسعوديه حللوها مثل الشيخ بن منيع…
    وممكن انت بعد فتره وباسلوب معين وبدون ماتحس تقدر تقنعها تغير العباية لوحده تكون واسعه..
    والحياه يبغى لها هدوء وعدم تسرع .. اما بالنسبة للسوق فياليت تتراجع عن خروج احد معها احسن لها واحسن لك..
    والله يوفقكم ويهدي سركم يارب…

  7. اعرف عيناااات بنات كثير ,,,,!!
    الامور اللي انت تبغاها منها طبيعيه يمكن بس سااالفه الزفه غير الاسلاميه ذي شوي مختلفه !!!
    يعني براحتها بالزفه تحط اللي تبغاه؟؟
    انا بتكلم بصرااااحه واقول رااي!!
    وشلون يعني اهلها ماقدروا عليها ؟؟؟؟؟؟؟
    تقول لك كذا عاااجبك ولا بكيفك ؟؟؟؟؟؟؟؟<<<انتوا لسى مملكين!!! ماتبغى تطلع الا مع امها بس ,,, والله هاذي ماشوف فيها شئ اما انها تصر على كذا غريب فعلا!!!؟؟؟؟؟ لكم بس ثلاااااث مكالمات مداها تتهاوش معك وتقول عجبك ولا لا؟؟؟؟؟؟؟ ^ ^ ^ العناد موجود ايه لكن اسمه بزوجتك بجاااحه اذا اهل البنت ماقدروا عليها تجي انت بيكون وضعك صعب خصوصا انها جريئة معك بكلمة عاجبك ولا لا!!! ^ ^ ^ عباااية الكتف ولو اني انا شخصيا ارفض بعضها بس بشكل عاااام عااادي!! هي تجرات وقالت لك ذا الكلمه !!!!!!!! طيب وانت وش قلت <<<<<<<ٍسؤااال؟؟ قلها لا مو عاااجبني وشف وش ردة فعلها !! معليش طنشها كم يووووم يمكن تحس شوي!! لان البنت لو مالقت قدامها رجال يعارضها على الغلط مستحييييييل بتتعدل على هواك لي عووووودة اخوي تحياتي

  8. لاحول ولاقوة الابالله الله يعينك بس ياليت تحل المشكلة قبل الزواج لانه أذا فات الفوت ماينفع الصوت
    بس راح أحكي لك قصة وحدة اعرفها
    هالبنت الله يهدها متشرررررررررررررررررررطه بقوه وكانت على قولتهم طلباتها أوامر وهي وزوجها الاختلاااااااااااااف بينهم كبير وكانت مثل زوجتك تبي كل شي تمشيه على كيفها العباية الطلعات للاسواق الخرجات عند صحباتها كانت تمشي بشور نفسها واذا ماعطاها ريال لو بالمزح حتى تفتن عند بيت أبوها يعني كانت ماتمشي له اي كلمه والمسيكيين ساكت ولاهو بقايل شي وماكفاها ابي راتب شهري وابي بيت مدري وين وابي فرش بيتي من مادري فين وهلم جر عاد انت ادرى بطلبات الحريم بس هو ماكان ملتزم مثلك كان انسان عادي بس برضوه ماعجبة الحال لانها كانت فلااااويه عبايات مزركشه ولثم وحاله
    بالاخييييييييييييييييييييييييييييييييييييييييييييي ر بعد جرجره بالمحاكم يمكن حق 7او 8 شهور صار الطلاق لانه كان يبي حقه منها لانه ماجلست يمكن حتى شهرين علابعضها وهلها يماطلون وهاذا كله بسبب انه ماحط النقط على الحروف من بداية الزواج فلاتطيح بغلطة وحدد كل شي لزوجتك كل شي قبل لاتندم مثل هالرجال
    ودعائي لك بالتوفيق والحياة السعيده

  9. والله انا اشوف انها تريد ان تفرض رايها عليك.
    انصحك انك تتفاهم معها وتحط حدود للي بتعمله. لانه فترة الخطوبة لازم تحددوا فيه اشياء كثيرة في حياتكم. وتتعرفوا على بعض اكثر.,….. ويمكن تكون بتعمل هيك لانها ما بدها اياك او مغصوبة عليك. وبدها تخليك تتركها.
    انا لو مكانك بحاول اتفاهم معها , واذا ما ردت انهي الخطوبة كاملة. لانه المشاكل الان يمكن تفاديها لكن بعدين اذا تزوجتوا وجاكم اولاد بتصير صعبة. وكمان اتوقع انك بدك تتزوج مشان تترتاح مش تقضيها زعل ومشاكل.
    معذرة على الرد القاسي لكن هذه وجهة نظري

  10. حاول انك تطنشه وماتحرص على الاتصال لين تخاف شوي وتحسب انك بتتركها
    يمكن تعقل ..
    واذا قالت وش فيك علمها بس موب بطريقه تعسفيه عشان ماتحس انك تبي بس تسيطر
    لا .. قل لها مثلا وين احترام الزوج .. وين هدوء الزوجه وين الطاعه .. حلاة الزوجه اذا طاعت الزوج
    واذا تبي تستمرين بهالاسلوب انا مايناسبني كثر المشاكل ..
    عشان تحس انك مانت راعي مشاكسات ومشاكل
    هذي وجهة نظري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *