حالات واتس اب عن الاهلي اقوى بوستات عن النادي الاهلي
النادي الاهلي هو من أعظم وأقوى الفرق المصرية والعربية لكرة القدم، حيث حصد الكثير من البطولات والجوائز وهو المنافس الأول لفريق الزمالك، وتعتبر جماهير نادي الاهلي من أهم ركائز نجاحه وشهرته، وذلك من خلال وقوفهم بجانب فريقهم دائماً سواء كان داخل مصر أو خارجها ويشتهر المشجعين له باسم ألتراس أهلاوي.
حالات واتس اب عن الاهلي
- المدرج حته منى عرفت فيه طعم الحياه المدرج حته منى فريقى هكون دايما معاه معرفش كلمه هي فرجه اوام بتخلص في ساعات دى حياة هفضل عايشها لحد يوم.. يوم الممات شمروخ بيولع جون بنفرح هى لحظة احتفال حكومة تمنع اعلام بيشتم لا يوم شكينا عشان رجال احبسونا و امنعونا البعد عن اهلى محال دى حياة هفضل عايشها لحد يوم.. يوم الممات يابان سافرنا في جاروا كنا في تونس كنا مولعين
- أوووووو جمهوره دا حمااه أوووووو عالحلوة والمرة معااه عمرى ما أحب غير الاهلى ولا فى غيرة يفرحنى دايماً معاه ولأخر الكوون عمرى عشان الأهلى يهوون
- النادى الاهلى .. حبه فى قلبى لاخر عمرى انصرنا ياربى أليييه أليييه تاريخ ابطال .. جمهور جبار تشجيعهم نار من تالته شمال أليييه أليييه
- شوفتونا عالمرة معاه مش بس اغانى النادى الاهلى اسمى و عنوانى روح الفانلة الحمرا اوعوا تنسوها اللون الاحمر هو رمز البطولة اوليه اوليه اوليه اوليه اوليه حلق عالى يا نسر الاهلى اوليه اوليه اوليه اوليه اوليه حلق عالى يا نسر الاهلى زى ماوعدنا وراكوا بلاد لفينا و فى كل مكان روحنا وراكوا و غنينا جمهوركوا معاكوا نحقق حلم حياتنا
- للاهلى منى تحيه وورد وفل وياسمين فى عشقه قصة طويله عاشت بقالها سنين كل الفرق غير اهلى متساويش قرشين لا تقولى اصفر ولا اخضر او حتى ابو خطين الاهلى هو كبيركم يا بشر مجانين لو تتمنى تفوز على الاهلى تبقى تعيش مسكين
- اعظم نادى فى الكون اعظم نادى فى الكون لو كل الدنيا ضدة هفضل احبة بجنون يوم نصرة ليا عيد عمرى ما هكون بعيد يوم ما ابطل اشجع هكون ميت اكيد أوووو أوووو أوووو من صغرى بعشقة عايش جوه قلبى اسمك هرفعة مش قادر اوصفة حبى ليك يا اهلى الموت هيوقفة
- الاهلى فوق العالم شاهد على بطولاته عايز 100 سنة عشان نحكى على انجازاته سعد بناه صالح سليم علاه اعظم تاريخ بالدم كتبناه هو الوحيد اغلى ما فى الحياة ملايين بتقول انصره يا الله
- يا صباح مشقشق متلوِّن بلون حبي أحمر بلون الورد بلون الدم بلون قلبي مقدرش اداري فخري بيك ولا أقدر اخبي إنك صانع الفرح لكل مصري وعربي
- الأهلى الزعيم و بجماهيره الفوز يبقى أكيد لا تقولى برشلونه ولا حتى ريال مدريد الأهلى ده خطير و يفوت فى الحديد لاعنده لاعيب نص عمر ولا لاعيب بليد يلعبوا على الترتان أو حتى على الجليد يفرحوا جماهيرهم و يخلوا الكل سعيد و سمعنى سلام تلاتات تلاتات من هنا لحد الشلالات
- فانلة النادي الأهلـــــــــــــي هفضل صاينها طول عمري الأهلي في قلبي من صغري أغلى من روحي و من دمي يا أهلاوي بص و شوف دايما وراك م التالتة ألووف أياك في يوم تعرف الخوف عمرك ما في يوم وحدك هتكون فى إسماعيلية و بورسعيد حاربت عشانه و مش بعيد أعملها تاني و من جديد وراك م الدلتا للصعيد قالوا عليا كافر مجنون ميهمنيش مين مهما يكون دايما معاه و لأخر الكون عمري عشان الأهلي يهون
- مش بأجيب ورقة وقلم وأقعد أفكر دا الكلام في حبك ع اللسان مسطَّر عشان بحبك بألاقي الكلام جميل ؟ المسألة مش مسألة بطولات ولعب المسألة حب اتخلق ونسيانه صعب ولما عرفنا الحياة كنت ياأهلي دولتنا ولما كبرنا ياأهلي بقينا إحنا الشعب
- بل لنادي الأهلي شهره عالمية لم يحققها غيره ولن يحققها فمسيرته في المباريات الودية مع أنديه لها ( صيتها ) العالمي جعلت من الأهلي نادي يُذكر في كل مكااااان …!
- جاى النهاردة أكتب كلام يتعمل موَّال لقيت ياأهلي كل الكلام الحلو فيك إنقال فكرت أعمل إيه او أقول إيه ؟ يترجم الأحوال ما لقيت ولا كلمة تعبر عنك يا أبو الأجيال
- يا اهلي المأوية عمر و بطولات يا اهلي يا مية مية كفاية التاريخ اللي فات اراهن عليك الدنيا بالبيبسي و العزومات و لو في يوم اتغلبت لا يمكن يجيلي احباط لكل حصان كبوة لكن انت ليك طلعات و كل من يحسدك اكيد بغيظه مات
- جينا وراه من كل مكان اعظم فريق شافوا انسان عشت وراه اجمل ايام اعمل عشانه المستحيل امشي وراه لو الف ميل عمري مارضي غيره بديل حفضل اقولها بأعلى صوت حفضل اقولها لحد ما اموت الاهلي دايما دايما فوق
- نادي يمشي على أصول الكرة …! وعلى ما أقره الأب الروحي للرياضة حيث قال أن الكرة جانب اجتماعي …! و لذلك فنادي الأهلي يعامل الكل بنفس التعامل الراقي ..!
- عجبي عليك يااهلي ياأبو العجايب في كل مكان تلاقي بدل الحبيب حبايب وفي الميعاد حاضر عمرك ماكنت غايب صدقني الفوز حليفك وغيرك مالوهش نايب
- قالوا عليك نادي الحكام نادي الأوهام … نادي الحكومة والأفلام نادي الكلام … نادي الانسحاب والاستسلام نادي التزوير والإنهزام نادي المنشطآت والبرشام نادي الصحافة والإعلام طيب ماتجيبوا شوية ورق وحبة أقلام وتعالوا نحسب هي بطولاتهم كام وبطولاتنا كام ؟ خيبة علي اللي طول عمرها ورا … وفاكرة نفسها أدام
- كفاك المجد يا أهلي كفاك .. فأنت العز تعلو في سماك وأنت النجم في ظلم الليالي .. تضيء الدرب أنوار ضياككيان شامخ كـ الجبل …! ومواهب تخدم النادي للأمد …! وجمهور يصفق ويغني بأفضل الألحان ….! وأعضاء شرف يخدمون النادي بكل الوسائل …!
- يا أهلـــــــــــي محدش زعلان منك … كلنا زعلانين عشانك إوعى تفتكر … ضياع بطولة حتغير مكانك !! دا مكانك في قلوبنا … وقلوبنا هي عنوانك بنحبك والحب نشاركك في أفراحك وأحزانك
- فوووق الاهلى طول عمره فوق فووووق دايما معاه.. روحنا فداه و فى اى مكان بنروح وراه من تالتة شمال بنهز جبال و بأعلى صوت دايما بنشجع الابطال فريق كبير فريق عظيم اديله عمرى و برضوا قليل
- يا اهلى يا دنيتى حبك مجننى مهما كنت بعيد .فانت قريب منى اللون الاحمر هو لون دمى لو قالو تختار حبيبك مين اقول الاهلى بعد ابويا وامى جماهير عظيمه بتهتف اللى يخاف يروح
- الاهلى فى قلبى و دايما غالى علينا جمهوره دايما وراه و دايما تلاقينا و فى اى مكان معاه دايما بنروح وراه انصرنا يا رب يا عالى يا الله
- دا الأهلي وردة حب حمرا ترد الروح مزروع جوه قلوبنا والعشق فيه مسموح الأهلي في كلامنا في نفسنا عبيره يفوح يملا هواك يا مصر من أسوان لمطروح والورد بيرقصلك يا أهلي وبالسر يبوح
- ياليلة منورة ونورك الأحمر مغطيها البطولة بتندهلك اوعى تفرَّط فيها واليابان ما حد غيرك يقدر عليها هي كمان مشتاقة إنك تعود ليها
- 100 سنة يا اهلى كورة 100 سنة شوف كام بطولة وراك يا اهلى انا كعب داير زى نسر الاهلى طاير و احناااا وراك يا اهلى فى كل حته وراك اسمع صوتنا من تالتة دايما معاك و فى اى محنة هنكون جيشك نفديك بروحنا
يسعى الكثير من مشجعي النادي الاهلي إلى التعبير عن حبهم وانتمائهم للنادي، وفي ظل الانتشار الكبير لوسائل التواصل الاجتماعي و السوشيال ميديا في حياتنا اليومية، أصبح الكثير من الأشخاص يشاركون حبهم للنادي الاهلي من خلال مواقع التواصل الاجتماعي المختلفة مثل الفيس بوك والواتس اب والانستقرام.
وكذلك يقومون بمشاركة حالات واتس اب عن الاهلي حتى يعبرون عن فرحتهم بفوز فريقهم أو لمشاركة أصدقائم في التشجيع، كما يمكنك إضافة بعض الصور المناسبة لهذه الحالات، أو كتابة بعض العبارات المناسبة على هذه الصور ثم وضعها حالة على تطبيق الواتس اب.
اقرا ايضا :