‫الرئيسية‬ حواء اول سوء تفاهم بيني وبين زوجتي

اول سوء تفاهم بيني وبين زوجتي

السلام عليكم ورحمة الله وبركاته
بجد ماني عارف كيف أجازيكم على تفاعلكم مع جميع الاعضاء وكأننا أخوة من بيت واحد الكل يشارك هم الاخر ….
وقد مررت على كثير من المواضيع واستفدت منها ,,,,
فجزاكم الله خيرا على ماتقدمونه ……..
مشكاتي كالتالي : ………….
أنا شاب ملتزم بصريح العبارة والحمد لله …..
تقدمت لخطبة فتاة يشهد لاهلها بالصلاح فأبوها ملتزم وأمها ملتزمة والفتاة نفسها تدرس في مدرسة تحفيظ …
ولكن بعد الملكة والجلوس معها تبين أنها ليست ملتزمة تماما …..
وهي تعرف باني ملتزم وأهلي أخبروا أهلها بذلك بأن ابننا ماعنده أغاني ولا أفلام ومسلسلات ….
يعني بصراحة كنا واضحين تماما ….
لكن تفاجأت ان البنت تريد الافلام ( لا وكمان أمريكية وهندية بعد ) وتحب الأغاني …..
بل إنها ترى أنها مافيها شي ……
والبنت فيها عناد شوي ,,,,,,,,,
أنا بصراحة ماطلبت الزواج الا ابي الاستقرار والراحة ومابي عوار الراس والمشاكل ,,,,,
انا بينتلها أن الاشياء هذي ماهي عندي ولكن أعوضها بأشياء أخرى كالسفر وغيره ,,,
عموما أنا للحين ماسكن نفسي ومسوي بريك وانا عصبي ومابي أكدر خاطرها ……
أبي بصراحة نصايحكم يا اخواني …..
و اللي باط كبدي انها ماعرفت الدش الا من كم سنة >> أنا خبرتي والارشيف اللي عندي أيام الدشرة أكثر منها بكثير بس مسوي نفسي ماني عارف ولا شي ….
أنتظر ردودكم

لا توجد تعليقات

  1. طيب ممكن معرفة عمرها ؟!
    للعلم .. احيانا الالتزام يكون مقصور على الوالدين ..
    اللي غالبا وفي مثل هالزمن يصعب ايصال التزامهم لابنائهم
    لكن كمان مو شرط ..مشاهدة الافلام … او حتى الاغاني .. تكون موانع للالتزام
    انا سألتك عن العمر..لاني استغربت انها تجيب سيرة رغبتها في الافلام بشكل عام او حتى الدش وغيره..اثناء محادثتكم
    يعني هذي امور اعتبرها سطحيه الا اذا انت اللي حاولت الوصول لهالمعلومه منها
    انت استخير .. في البنت
    اذا بشكل عام كشخصيه واخلاق وطباع ..عاجبتك
    فلاتدقق على هالامور
    الهداية بيد الرحمن ..

  2. اجل رغبات متوقعه .. ولسا بدري انك تحاسبها او تدقق في امور التلفزيون وغيره
    تراها لسا صغيرونه ومراهقه … ومغتره باهمية وسائل الترفيه في حياتها
    لاتدقق

  3. صحيح وطالما هيا نشات وتربت في بيت نحسبه بإذن الله فيه من الصلاح والتقوى،فإحتمال كبير ترجع تتغير للأفضل
    فترة مراهقة…في مراهقات يهتموا بهذي الأمور كثير (الأفلام والاغاني)عشان صديقاتهم مايقولوا عنهم معقدات أو مايفهموا شي<<<تفكير مراهقة لكن يرجع تفكيرها ينضج وتفهم الحياة صح استخير الله،وأدعي الله يكتب لك الخير

  4. على ايدك هدايتها ان شاء الله..اذا مو اليوم بكرة بس يبيلها صبر اشوي
    واذا اهي تعلقت فيك وحبتك واعجبت بشخصيتك بتجبر نفسها على كل الي تريده
    والله يعطيك على نيتك الطاهرة خير.

  5. معليش يااخوي .انا بنصحك وانت براحتك
    تتوقع عمر 17 تمنعها عن التلفزيون يستحيل الا من رحم ربي
    بها السن ادمان تلفزيون وبرامج وحتى لو اهلها ملتزمين هي غير
    البنت صغيرة طبيعي اعتراضها وبعد بتشتري بلاي ستيشن من المهر حقها سنها يحكم
    فكرتك واضحة واذا هي ماتقبلت وانت عصبي الله المستعان
    خاصة ماشاللله انك ملتزم ماترضى وهذا اقل حق فيما تطلبه راحتك الدينية
    صغر سنها هو المسيطر..فهمها بالتي هي احسن وصراحة قبل الزواج
    عندها استعداد لتقبل الوضع والاقتناع بلاعناداو انت تتنازل قليلا
    منعا للمشاكل تحل المشكلة قبل الزواج

  6. تركي انصحك ….. اذا عمرك فوق 27 …. تشوف وحده تفهمك ومن عمرك …. افضل …. وانت لسا على البر …. انت وهي … احسن من انك تاخذ صغيره … تبدا حياتك معها بمشاكل مثل هذي ….. واذا مصر على وحده صغيره من بنات الجيل الصاعد …… اتزوجها … وشوي شوي اقنعنها بطريقتك … واكيد انت رجل وتعرف (( يعني انت جربت … كنت تابع تلفزيون وغير تلفزيون …. والان ماشاء الله عليك …… يعني ماتدري ايش يصير بعد الزواج ))
    وبعدين تعال في حجات انا افكر فيها … شوي
    كيف اهلك يقولون لك انها ملتزمه … وتكتشف انت انها مو ملتزمه .
    يعني تظهر عند الناس بشي ….. وهي شي ثاني ..
    عموما اعذرنا على التقصير ..
    واتمني لك التوفيق دنيا واخره ويرزقك زوجه صالحه .

  7. اخوي العزيز ,,,,,,,
    الله يبارك لك ياااارب ,,,,,,
    انا اشوف انك تتفاهم معها وتحاول انك تبين لها الي تحبه والي تكرهه وحاول تفهمها انك ما راح تعيد عليها الكلام بعد الزواج لا بالعكس المفروض هي من نفسها تطبقه ,,,,
    انت حاول انك تفهمها ترى كثير من النسوان كذا وبعد الزواج لا تمشي على طوع زوجها ,,,,,,,
    وحده قريبتي كانت تروح زواجات فيهم غناء وطبول ,,,,,,
    ولما تزوجت زوجها عارضها والله والحمدلله ما تروح الا الزواج الي مسموح به عند زوجها وغير كذا ما يمشي معه ,,,,,,
    وانشاء الله زوجتك مثلها ,,,,, الله يهديها يااارب .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

‫شاهد أيضًا‬

اضرار زبل الحمام للشعر

اضرار زبل الحمام للشعر ان زيل الحمام له الطثير من الاضرار للشعر فالكثير من البنات تقوم بشر…